Diadomingo awor dia 14 di Januari 2018 CBN lo tin su tradicional eleccion pa eligi nos Reina di Noord. Pa 5:30 porta di CBN lo habri y actividad lo start pa 6:15 en punto. Entrada lo Ta Awg. 5,- en general. Tema di nos eleccion e aña aki ta “Cultura Indjan”. Nos eleccion semper ta haya sosten di nos dushi districto di Noord y nos ta crea un dushi ambiente den e patio di CBN.
Te cu diamars 9 di Januari tin chens pa inscribi. Lo tira lot dia 10 di januari. Ta costa Awg. 350,- y e muchanan ta haya nan outfit pa e parti oficial y tambe esun inoficial. Alabes e suma aki ta cubri su participacion na 3 carnaval y e carosa cu nan ta bay riba dje. E reina cu keda elegi no tin obligacion pa bay stadion. Esaki ta un decision cu cada mayor lo mester tuma dado caso nan yiu sali reina. Manera ta custumbra tur participante ta haya un sjerp, corona y regalito na final, pasobra ariba nan mes tur ta un Reina.
Si ta desea mas informacion por tuma contacto cu Marlyn Ignacio na 565 8712.
Aruba completo, specialmente e Indjannan di Noord ta keda cordialmente invita pa bin presencia nos tradicional eleccion di Reina.