Diabierna for di oranan di 8’or di mainta te cu 7’or anochi pueblo di Aruba a sali foi nan cas pa bay haci uso di nan derecho di voto.
Un total di 69824 persona segun Censo tin e derecho di voto. Durante e conteo di voto por a tuma nota cu na varios urna tabatin 5 o mas votonan invalido. Sea hendenan a marca e ronchi cora malo of a pasa e linea, y of e papel ta mal cera y of a marca mas cu 1 ronchi. Pero sigur basta persona den exterior por a compronde.
Dificil pa a predica kende lo gana
Durante anochi tabatin tension un eleccion cu no por a predica mes, Mep y partido Avp tabata cerca di otro, tin momento cu Avp a pasa Mep y despues a bolter bek cu Mep a pasa Avp y tin biaha tabatin te hasta menos cu 11 voto leu di otro.
Ta mustra cu ta prome biaha den historia cu partido Mep y Avp nan votonan tabata cerca di otro. Pero si pueblo a vota pa e partidonan chikito.
Resultado a drenta pasa di 5’or mainta debi na situacion cu urna 5. Avp a gana cu 17876 voto y Mep 17572 voto.
Partido Futuro como partido Nobo a bin demostra cu pueblo ta kere den nan agenda di gobernacion unda pueblo a respaldanan 7349
Partido PPA a bin sorpresa tur hende unda el a pasa 3 mil voto y di cual a haya 1 asiento.
Partido MAS cu ta den parlamento actualmente cu 2 asiento tabata un baño di awa frieu unda a campaña y Marisol tabata e persona atakante di varios cos y awe a resulta cu pueblo no a respalde y no a dune ni 1 asiento y a yega na 1722 voto.
Partido Raiz cu te partido cu Misha a pone cu tur cos a tambalea y Raiz a kere cu nan lo bin bek aki no a ni pasa 2200 voto.
Partido Accion 21 di Miguel Mansur cu ta den parlamento cu 1 asiento no a logra ni 1 asiento bek pa asina ta den parlamento pa 2025-2029, un Miguel Mansur critico y atakante den parlamento ultimo tempo ta mustra cu pueblo no a respalde maske e tabata bringa cierto mosionnan pa keda pasa.
Na final pueblo a bisa no mas RAIZ, MAS y ACCION 21, partidonan cu a duna dolor di cabes y kier un cambio cu Futuro cu sea MEP y of AVP.
Aki por mira con eleccion 2021 a bay cu 12 partido politico.
