Riba djaluna 24 di òktober alrededor di 11.30 di mainta polis di Saba a risibí un notifikashon ku tabatin un eksploshon den un residensia na Sambuel Charles street number 8 na The Bottom. Outoridatnan polisial i tambe kuerpo di bombero a despachá pa e sitio. Brantwer a drenta den e bibienda i a konkluí ku e zonido duru tabata resultado di un eksploshon di gas. Servisio di ambulans a transportá e persona heridá (53 aña M.Z) na A.M. Edward Medical Center. Durante di e eksploshon un persona a keda herida.
Mientrastantu polis a hasi un investigashon huntu ku tim forénsiko i tambe Ministerio Públiko. Gezaghèber Jonathan Johnson i Jose Rosales hefe interino di Korps Politie Caribisch Nederland (KPCN) a keda informá di e insidente. Despues di e investigashon, polis a entregá e bibienda bek. Esaki ta nifiká ku e bibienda ta aksesibel atrobe pa e abitantenan.