E siman aki dos video a sali di ekiponan pisa militar cu a yega Curacao dos siman pasa. Un barco a trece algun di e ekiponan pisa aki y esaki a bay direccion di e kazerne di Mariniers na Curacao y pa su siguiente dia tabata tin trainingnan. Riba 7 di Juni media na Curacao a cubri e ehercicio aki cu yama ‘ Explosive Engineer ‘ y e tin como meta pa siña traha cu explosivo den diferente circunstancia di tereno y clima.
Banda di esaki na Wacawa tin posibilidad pa usa cantidad diferente di explosivo y esnan special. Despues di dos siman cu e training a termina e ekipo pisanan aki a bandona e isla. Esaki a keda confirma tambe pa e Prome Minister di Curacao Sr. Eugene Rhuggenaath cu a informa debidamente na prome Minister di Aruba Sra Evelyn Wever Croes cu e ekiponan pisa cu a yega dos siman pasa tabata un training cu militarnan di Curacao y no tin nada di haber cu alerta/menasa pa caribe.