E dianan 23 pa 25 di Juni proximo, e ekipo di futbol femenino di Britannia lo mester bataya contra di ekiponan di St. Maarten, Corsou y Boneiro den e asina yama Dutch Caribbean Woman’s Soccer Cup 2017 pa asina mira ken por yama nan mes e miho ekipo di Caribe Hulandes. E organisacion di Qualichi Women Soccer Association di St. Maarten ta esnan encarga cu e organisacion di e torneo cual sigur ta un bon iniciativa pa e deporte di futbol femenino. E torneo aki sigur merece continuacion, no tin duda cu e lo engrandese e deporte rey bou di nos hende muhernan. E ekipo di Britannia Lady Puma lo hunga contra di SUBT Korsow pa despues enfrenta Quilichi WSA di St. Maarten y ultimo seleccion di Boneiro. E weganan lo tuma lugar den e Raoul Illidge Sport Complex.
Desde nan existencia e ekipo di Britannia Damas tin varios aña ta sali campeon di Aruba den forma consecutivo y tin un elenco di bon hungadornan di futbol femenino cu mayoria formando parti di e seleccion nacional femenino di Aruba.
Un danki sigur na Lotto, e Loteria di Aruba pa medio di Comision di Subsidio a yuda subsidia e biahe di e ekipo femenino di Britannia Lady Puma pa e Dutch Caribbean Woman’s Soccer Cup 2017 na St. Maarten.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.