PARIS, Francia – E sociedad di Explotacion di Eiffel Toren (SETE) dialuna a hay’e obliga di evacua turistanan presente na e monumento y pa cera su portanan. Motibo di esaki tabata e presencia di un homber cu tabata subiendo e edificio, e empresa a informa na Efe.
Un vocero di SETE a splica cu e trahadonan di e monumento, un di e esunnan mas bishita di mundo, den oranan trempan di atardi a descubri e homber ta subi e edificio y a cera e luga.
Bombero y polis a bay te na e luga, y a bay over tambe na cera e caya rond di e monumento, pa facilita e intervencion.
E monumento ta keda cera te un proximo aviso, un procedura habitual den e tipo di situacionnan aki.