EHH conoci como Encuentro di Hobennan na Aruba kier a participa na hoben y mayornan cu tin interes pa hobennan participa na un EHH, cu pa motibonan organisatorio, a tuma e decision pa cancela EHH cu lo mester a tuma lugar dia 2, 3 y 4 di December.
E siguiente EHH lo bay tuma luga, si Dios kier, dia 3, 4 y 5 di Februari di 2017. Keda pendiente pa anochinan di informacion den luna di januari 2017cu lo wordo anuncia despues den diferente medionan di comunicacion of riba EHH su Facebook page.
E.H.H. ta un programa internacionalmente conoci como Youth Encounter, cu na Aruba ta forma parti di e programanan di Fundacion Pro Famia Feliz. Durante e anochi di informacion lo splica un poco di e historia di E.H.H., lo cera conoci cu algun miembro di e ekipo di E.H.H. cu ta dirigi un fin di siman di encuentro y lo scucha kico ta e metanan cu E.H.H. kier logra pa cu e hoben di Aruba. E bunita di e programa di Encuentro di Hobennan ta cu e ta di hoben pa hoben den comunidad.
Ekipo di hobennan di EHH, tur colaborador y tambe e pareha cu ta guia EHH (Patrick y Setty), den nomber di Funadacion Pro Famia Feliz (FPFF) kier a tuma e oportunidad aki pa gradici tur persona y tambe tur comerciante cu di un of otro forma ta sostene e programanan di EHH y FPFF durante añanan. Danki pa aporta y tin boso porta habri pa duna ayudo pa asina yuda nos duna nos contribucion na e comunidad di Aruba y sigur na nos hobennan di Aruba. Cu Dios bendiciona boso y nos ta spera di por sigui conta cu boso apoyo den e proximo aña!
Pa mas informacion tocante E.H.H. por tuma contacto cu Patrick of Setty Christiaans na telefon di cas 585-6964 of na cellular, Patrick na 593-4522 y Setty na 592-2170.