Manila, FILIPINAS- E presidente Filipino Rodrigo Duterte a duna ordo na e ehercito Filipino pa ocupa algun islanan inhabita den e South Chines Sea. E awanan y e islanan ta forma parti di un conflicto pa soberania di e teritorio.
China ta di opinion cu e teritorio ta cay den su frontera. E tactica agresivo di Duterte lo causa hopi conmocion y rabia na China.
“E islanan inhabita, ta di nos. Laga nos bay biba eynan”, segun Duterte cu durante su campaña electoral a anuncia di bay duro pa propiedadnan Filipino den e region. E presidente Filipino a anuncia di lo biaha pa un di e islanan aki pa hisa e bandera Filipino.
Despues di China, Malaysia, Taiwan, Brunei y Vietnam tambe ta bisa di tin derecho ariba e islanan aki. E lama aki ta un ruta comercial hopi strategico.
Merca
E anuncio di Duterte ta bin net prome cu e president Mericano, Donald Trump topa cu su homologo Chines Xi Jinping. E cuestion di e South Chinese Sea ta un punto hopi halto ariba agenda. Na October 2016 Duterte a bisa di cu Filipinas lo separa su mes di Merca y lo concentra awo ariba China. Es tempo ey, Duterte a bisa di lo regla e asunto relaciona cu e teritorionan aki na un manera diplomatico cu China.