JARDUM, Sudan- E poderoso servicio di inteligencia di Sudan diahuebs a informa di cu e lo libera tur e presonan politico di e pais, segun medionan estatal a informa.
“E Servicio Nacional di Inteligencia y Siguridad a anuncia di cu e ta liberando tur e detenidonan politico den e pais”, e agencia oficial di noticia SUNA a informa.
E anuncia a bin ora cu un multitud grandi a congrega den e centro di Jartum despues di cu television estatal a bisa cu e ehercito ta cla pa “pa haci un anuncio importante pronto”.
Ehercito di Sudan a asumi control di e pais Africano aki pa dos aña y a impone un estado di emergencia pa e proximo tres lunanan, según e minsiter di Defensa Sudanes, Ahmed Awad Ibn Auf, a informa.
Segun informenan, e presidente di Sudan, Omar Hasan Ahmad al Bashir, a wordo aresta y e poder estatal a wordo transferi pa un conseho militar. Di mes manera, e pais a clausura su espacio aereo pa 24 ora.
E presidente ta bou aresto domiciliario. Y 100 di su alegadonan mas cercano tambe a wordo deteni, entre cual e actual presidente di e partido gobernante Congreso Nacional, Ahmed Mohammed Haroun; e ex minister di Defensa, Abdel Rahim Mohammed Hussein, y e prome ex vice presidente, Ali Osman Mohammed Taha.