Internacional: E Foranan di Defensa di Israel (FDI) a informa awe cu nan a mata un alto comandante di Hamas kende tabata un di e lidernan di e atake di 7 di october contra Israel den un bombardeo riba e caminda di refugiadonan di Jabalia na Gaza.
Avionnan di combatedi FDI, accionado di inteligencia di ISA, a mata Ibrahim Biari, comandante di e Bataljon Sentral di Jabalia di Hamas. Biari tabata un di e lidernan responsabel pa manda teroristanan di ‘Nukbha’ pa ehecuta e atake terorista.
FDI a bisa cu Biari a supervisa tur operacion militar na nort di Gaza desde cu nan operacion a cuminsa y tambe e tabata envolvi den multiple atake contra Israel durante decada.
E atake a causa basta victima na Jabalia, e campo di refugiadonan mas grandi di Gaza, segun autoridadnan di Gaza cu ta bou di control di Hamas.
Hecht a bisa cu e comandante di Hamas kende tabata e obhetivo di e atake “a mata hopi israelita.”