Diahuebs mainta, Warda Costa di Caribe Hulandes (KWCARIB) a termina e ehercicio “Open Eyes 2017” den cooperacion cu Warda Costa Venezolano, oficialmente.
E serie di ehercicionan aki a tuma luga henter e siman den e area di lama entre e islanan ABC. Unidadnan di nabegacion y vuelo di Warda Costa y e Centro di Rescate y Coordinacion na Corsou, conhuntamente a realisa e ehercicionan aki riba e tereno di Search and Rescue. Meta di “Open Eyes 2017” ta pa suministra informacion di e relacion di trabao entre ambos organisacion y siña e proceduranan di cada pais. E ehercicionan a culmina diahuebs mainta cu’n intercambio di regalo y un actividad social riba Daaibooi.