Na 2011 a cuminsa traha ariba e buki ‘Ayera, Awe ..y Mayan?’, y na 2012 e buki a wordo imprimi.
Autor di e buki, Sr. Rory Arends, a presenta un ehemplar di e buki na S.E. Minister di Educacion, drs. Rudy Lampe. Co autora di e buki, señora di Sr. Rory Arends,su deseo tabata semper pa e buki ta den scolnan. Asina ta laga nan legado atras. Manera cu e famia a splica tambe, e buki aki ta pa ta den scol, y ya caba algun a wordo reparti caba. Como turismo, sea papiamento, pa inclui esaki den cada scol. E buki ta un tesoro pa tin.
Intencion tabata pa e ta e prome ehemplar y cu lo mester a bin un di dos edicion, asina ta inclui tur e proyectonan cu ta haciendo actualmente pa asina keda up date esaki. E ta un granito di conocemento pa e generacion cu ta bin, Pa esun cu ta lantando awo, pa nan sa kico ta nan origen y unda nan tin cu bay. E buki a tuma Sr. Rory Arends y su señora 7 aña pa compila e informacionnan. Casa di Rory a bay hasta les di Papiamento, pa asina por yuda den scirbi e buki aki.
Despues cu e buki aki a sali, a bin mas informacion acerca y proximamente lo bin un di dos edicion. Sra. Arends d.f.m. a keda inmortalisa den e buki aki.
E buki ta relata historia di nos turimso, cu actualmente ta e unico pilar di nos economia. Y minister Lampe a splica cu lo sinta cu e famia pa asina wak con gobierno lo por contribui na e di dos edicion.
Un di dos edicion kisas lo por bin den formato digital, es decir, lo mester pensa ariba esaki, pero esaki ta den plan di e maneho di e minister.