Internacional: E servicio di siguridad di Egypto a elimina 40 terorista durante 3 diferente accion. Esaki ministerio di asunto nan interno a laga sa. Diabierna, 4 persona a fayece debi na un atentado riba un bus turistico den bisindario di e Piramide nan. 3 turista vietnams y nan tour guide di Egypto a fayece, 11 otro pasahero a keda herida.
E servicio di siguridad a ataca 3 luga caminda cu terorista nan ta sconde. Na Gizeh nan a elimina 30 persona. Nan tawata planea pa ataca instancia nan gubernamental, lugar nan turistico y iglesia. Polis a confisca cantidad nan grandi di arma, explosivo y material pa traha explosivo. Segun un corant di e pais; Al-Ahram e accion nan aki a tuma luga.
Autoridad nan ta usa e termino di terrorista pero nan ta referi na e grupo di Islam nan Radical.
Atake nan na Egypto casi semper ta na luga nan turistico y esaki tin consecuencia pa e economia. Hopi hende no ta biaha pa Egypto mas pa es motibo aki.
Cortesia: De tijd.