MOSCU, Rusia- E ekipo Saudita a hiba e victoria den e partido contra di Egipto, hunga dialuna atardi na Volgograd.
Arabia Saudita dialuna atardi a logra un victoria ‘in extremis’ (den minuut extra) na Volgograd, despues di a vence 2-1 contra di Egipto den e di tres wega di e grupo A di e Mundial di Rusia 2018. Mohamed Salah a duna Egipto e delantero den e di 22 minuut, pero Salman Al Faraj ta empata e wega a traves di un penalty na minuut 45. Ya den tempo extra, un gol di Salem Al Dawsari na di 94 minuut ta duna Arabia Saudita e victoria.
Cu e resultado aki, e Sauditanan ta dispidi di e campeonato cu tres punto na fabor y e di tres luga di e grupo A. Di otro banda,e ekipo di Salah no a logra niun punto despues di a perde e tres weganan hunga.
Fuente: https://actualidad.rt.com