Diadomingo den careda di 4:15 marduga gran parti di Playa, Noord, Paradera, Dakota y bisindario a keda sin coriente. Esaki a sucede net momento di un awacero torencial tambe, pero e problema no tabata Elmar tabata na WEB segun informenan. A tuma nota cu personalnan di Elmar di biaha a subi na warda y mobilisa pa nan stacion na Paardenbaai pa e area afecta.
Efecto di awacero y biento marduga a pone cu Molina di biento no tabata produci e coriente necesario cu Web mester y a manda parti di e planta abou. Dos linea feeder importante entre WEB y Elmar a pone cu basta area a keda afecta. Tecniconan na WEB a drenta accion tambe di biaha pa asina resolve e problema lo mas pronto posibel y suministra coriente bek pa Elmar pa asina Elmar manda esaki bek pa e esnan afecta.