Dentro di poco, lo entrega na Directie Wetgeving un iniciativa di ley cual nos ta yama ley di proteccion di pasahero. E ley aki ta encera por ehempel cu ora aerolineanan cancela vuelo of tin atraso, nan ta responsabel pa cierto compesacionnan y si no cumpli cu esaki lo tin multa. E ta un ley cu nunca a existi na Aruba y cu ta trahando duro riba dje pasobra ta haye ta importante pa pasahero ricibi compensacion si acaso aerolineanan no trata nan manera debe ser. Ta spera di por entrega e concepto di ley aki un luna na Directie Wetgeving.
Beneficio pa e pasahero
Segun sr. Kelly e ley aki ta pa beneficia e consumidor/pasahero cu ora cu e cumpra un ticket e ta wordo protehi por ehempel di cancelaion di vuelo, ora maleta wordo perdi of ora vuelonan wordo cancela. A traha hopi riba e ley cu organisacionnan internacional pa tambe acorda loke internacionalmente ta wordo haci y cu na Aruba tambe ta haya pa pasaheronan wordo protehi. Parti di e ley tambe ta encera cierto multanan cu e aerolinea por ricibi si e no cumpli cu exigencianan den e ley pa loke ta compensacion di e pasaheronan.
Esaki ta un ley cu mas of menos 1 aña pasa a incia cu ne a base di experiencianan cu tabatin cu cierto aerolineanan cu no tabata cumpli. Un ley asina ta tarda su tempo pa wordo hinca den otro, sinembargo awo ta contento cu ta yegando su fase final unda cu por presenta esaki, sr. Kelly a termina bisando.