Edwin Jacobs cu ta director di SVB a duna di conoce cu ley di seguro di malesa y accidente ta prescribi cu e trahado mester ta sigura riba su prome dia di trabou caba, desde e prome dia di trabou bo mester ta preocura pa inscribi e trahado na SVB. Desde 2019 nos tin e plataforma digital pa e dunado di trabou MiSvb y eynan e dunado di trabou durante 24 ora 7 dia pa siman e por registra trahado, semper e trahado por wordo registra riba e prome dia of prome cu e cuminsa traha, e dunado di trabou por registre entrante e fecha cu ta cuminsa traha, esaki ta duna cu no tin ningun motibo cu bo no por registra un trahado.
Na momento cu bin un control di SVB y bo negoshi a cay den e control aki y nos constata cu na pia di trabou tin trahado cu no ta sigura bo ta bay haya un boet pa esaki, y e boet ta aumenta si mas biaha nos controla y mas biaha haya cu trahadornan cu mester ta segura y no ta segura den sistema di SVB. Sr Edwin Jacobs a bisa cu ta recomendabel pa inscribi e trahador na tempo evita tur e problemanan cu bo por pasa den dje y asina percura pa e trahado ta segura conforme ley.
Sr Edwin Jacobs director di SVB a bisa cu di berdad ta mirando un crecemento di cantidad di dunado di trabou 2024 tabatin 219 dunado di trabou nobo ( negoshi ), y prome dos luna di 2024 ya tin 44 dunado di trabou nobo ( negoshi ), esaki ta nifica cu e actividad economico ta permiti cu tin creacion di negoshi y ta importante pa sigura bo trahador cerca nos y evita cu por haya bo mes den negoshi momento cu SVB controla.
Durante 2024 SVB a controla mas o menos 1500 trahado y casi un 20% di nan no ta sigura y tur e trahadornan di trabou ta bay haya un boet. A puntra sr Edwin Jacobs e negoshi cu no cumpli kico ta pasa, el a splica cu SVB tin autoridad otroga pa ley cu nos mes por reenforsa y no mester bay un incasobureau unda cu SVB mes tin su mes un deurwaarder den servicio cu tin e potestat pa ley pa pone beslag y si tin mester pa bay benta publico. Sr Edwin a bisa cu tin basta aña cu nos no ta yega asina leu, nos ta pone beslag si y e dunado di trabou ta yega na un areglo y bo tin boet y cu bo keda sin paga un prima un luna e suma ta cuminsa na minimo 100 florin y pa dolor di cabes mihor bo paga na tempo cu ta 15 di luna te fecha, y awendia tur cos ta bay digital y cumpli cu SVB pa SVB por cumpli cu bo trahado ora cu e mester di nos.
