“Si mi kier a biba sigur, mi lo ta na Hawaii, ganando hopi placa y spionando tur hende”, e ex empleado di National Security Agency (NSA) a sigura.
Edward Snowden, ex empleado di CIA y NSA cu ta biba na Rusia, desde cu e pais aki a otorg’e asilo na 2013, diahuebs a afirma cu e no ta sinti su mes safe na e pais aki, pero e no ta worry cu esaki, segun Snowden mes a sigura.
“En cuanto mi futuro na Rusia, mi no por bisa cu esaki ta sigur. Pero, a caso esey ta importa?”, Snowden a bisa durante un transmision live, organisa pa e Management Center Innsbruck (Austria). “Si mi tabata kier a biba safe, mi lo ta na Hawaii, ganando hopi placa y spionando tur hende”, el a sigura.
Snowden, cu ta biba den exilio na Rusia desde 2013 a revela un spionahe electronico masivo di NSA, a relata cu actualmente e ta dirigi un di e fundacionnan Mericano cu ta defende libertad di e medionan y ta trahando den e creacion di hermentnan nobo pa proteha e periodistanan.