Education USA Aruba ta lansa un estudio dirigi na tur alumno di diferente scol na Aruba. E mesta di e estudio ta pa midi e interese di esnann cu ta interesa pa bay studia afo y identifica esnan cu ta considerando fuertementa pa bay Merca.
EducationUSA ta un red (network) di e Departamento di Estado di Estados Unidos consistiendo di mas cu 430 centro internacional den mas cu 175 pais rond di mundo cu e meta principal pa promove estudio na Merca. E red ta traha solamente cu institutonan acredita den tur ramo.
Dia 15 di october 2020, Minister di Enseñansa, Ciencia, y Desaroyo Sostenibel, Armando Rudy Lampe, y Consul General pa mision di Caribe Hulandes, Allen Greenberg a inaugura e oficina di Education USA na Aruba, como un di e prome islanan den Caribe pa tin representacion den e region. Consulado Mericano na Corsou lo sostene e oficina cu material y training pa staff.
Actualmente Aruba tin varios MOU firma cu institucionnan na Merca cual ta ofrece beneficionan y reduccion den tuition entre otro, un esfuerso di Minister Plenipotentiary di Aruba, Joselin Croes. Conseheronan di EducationUSA Aruba por asisti tur persona cu ta interesa den buskeda di un oportunidad pa educacion na Merca.
Ta pidi cooperacion di alumnonan den MAVO/ HAVO/ VWO/ EPI of na un High School den 10 th , 11 th or 12 th grade y/of Universidad cu tin interes pa bay studia afo pa yena e encuesta aki cu lo dura solamente 3 minuut pa completa. Link pa e survey: https://www.surveymonkey.com/r/GLBVQPL
E informacion lo contribui na yuda e team di EducationUSA Aruba identifica e necesidad di e comunidad p’asina ta miho informa y guia e studiantenan.
Tur studiante cu kier bay studia na Merca por tuma contacto cu Education USA Aruba via email [email protected] of bishita nos riba facebook @educationUSAAruba.