Michella Steenvoorde- Lacle, di partido POR, ta enfoca ariba e educacion di nos yiunan y con nan educacion por determina futuro di nos pais. E ta amplia mas.
Segun e dianan ta avansa pa yega na e finalisacion di e sistema electroral, na unda cada cuidadano ta dicidi den ki rumbo lo kier mira nan pais, lo ta bon pa subraya un biaha mas e intencion di mi persona pa cu e adelanto di educacion en general.
Como persona cu pa mas di decadas ta envolvi den planificacion y ehecucion di cambionan den educacion y a studia e maneho innovativo, mi deseo pa tin un mihor manera pa laga e conocimento aki flui y comparti.
Cu mas di 15 aňa di experiencia dilanti di klas y en especial e comparti cu esunnan cu tin problema como mentor, mi tin e educacion di cada hoben masha na curazon.
Sigur e introduccion di un sistema di enseñansa modernisa, inclusivo y di calidad SIGUR POR, na unda ta establece un nulmeting pa identifica e problemanan real den nos sistema di enseñansa y crea un plan pragmatico continuo di modernisacion y diversificacion pa asina brinda mas calidad y eficiencia na nos scolnan.
Mas scolanan eficiente manera MAVO/HAVO/VWO complex na Noord y Paradera, ta algo cu nos yiunan y nan yiunan merece.
Desaroya y educa nos muchanan segun nan capacidad y talentonan a base di un curriculum diversifica ta imperativo. Cu apoyo atraves di programanan specialisa den creatividad artistico, tecnico y cientifico ta clave pa un futuro cu ta brinda mas oportunidad, sostenibilidad y e felicidad cu nos yiunan merece.
Biba dignamente segun bo potencialnan SIGUR POR!
Aruba ta conoci rond mundo pa su cultura di hospitalidad y amabilidad y ta importante pa preserva esaki. Cu programanan di intergracion multi-lingual y multi-cultural, nos lo continua na diversifica nos enseñansa, creando un aceptacion y adaptacion digno di imigrantenan na e custumber- y principionan di nos hendenan amabel, e materia prima di nos pais su turismo.
Pero tambe e unificacion di plannan cu ya a ser traha y lubida. Un Aruba cu un mihor base ta depende di nos tur y unificando podernan, instancianan, projectonan ta na beneficio di un Aruba modern y mucho mas mihor prepara.
Inversion den mas scolnan, structuracion y adelanta maneho cu ta cuadra cu e crecemento real di poblacion ta un prioridad y esaki lo mester tin e mesun importancia cu e adaptacion di curriculum y structuracion di control pa e scolnan.
Un horario adapta na necesidadnan di e cuidadania, no lagando atras e cultura, norma y balornan, musica, deporte y inclui e diversificacion dim as cu por hasi un impacto den e hoben su bida. Na unda trankilidad lo ta e prioridad di dia pa cada hogar.
Un Aruba progresivo SIGUR POR!