Sr. Eduard Maduro, lider di sindicato SADA, ta mira bek ariba un aña 2017, cu na su parecer no a bay dje malo ey. Sr. Maduro ta amplia.
Mirando nan logronan relaciona cu e structura di salario y e descripcion di funcion cu SADA a logra e aña aki. E tabata un temporada, unda cu nan a traha 6 pa 7 luna, cu nan a traha hopi intensivo ariba dje. Tabata temporadanan hopi druk pa nan, unda cu nan mester a haci hopi investigacionnan, sinta hopi cu consultantnan, reuni cu miembronan. E por bisa cu danki na e minister Bermudez, cu tambe a pone di su parti, pa a yega na e logro historico. Locual cu SADA a logra pa e miembronan y demas coleganan ta satisfactorio.
Mas aleu, Sr. Maduro a bsia cu semper tin caminda pa mehora pero esaki tabata un paso hopi grandi pa SADA y trahadonan di Aduana. Directiva tambe ta considera esaki como un logro hopi grandi pa cu e trahadonan, segun Sr. Eduard Maduro, lider di sindicato di Aduana, SADA.