A sinta un di dos reunion cu e diferente departamentonan, pa asina evalua kico nan tin riba pia pa loke ta trata e situacion di tempo, segun comandante di Bombero, Eduard de Cuba. Na e momentonan aki unico cos cu nan ta haciendo ta e ultimo detayenan cu mester wordo regla, ta wordo haci. Mayoria di e departamentonan tin nan plannan cla caba y awor aki ta wardando riba Meteo, kico ta e situacion, kico ta bay sosode den e proximo dianan, pa wak den direccion nos ta bay. A papia cu tur departamento cu ta envolvi, entre nan KPA, Ambulance, DOW, ATA, Directie Luchtvaart, tur dienst cu ta envolvi den e situacion di calamidad. A papia cu nan y tur a duna un update cu nan ta bon prepara y ta un paar di cos chikito falta ainda, segun de Cuba.
E ta sigui splica cu a ripara cu tin hopi informacion ta sali. E informacionnan tin di nan ta eroneo, tin di nan ta den conflicto cu otro y a palabra atardi casualmente pa bisa cu ta bay pone un punto central cu ta bin informacion oficial di Meteo Aruba y esey lo wordo filtra door di diferente departamento pa saca un press release cu ta bin na nomber di e departamentonan di Gobierno, pa no bin cu diferente interpretacion di loke Meteo Aruba ta saca. Ta purba di haci’e mas duidelijk posibel pa e pueblo y cu e inzet cu cada departamento ta pone nan parti den dje y bisa cu esaki pueblo tin cu tene cuenta cun’e, pa polis, pa brandweer of pa ambulance, segun de Cuba.
A keda di haya for di Meteo un update pasobra manera cu nan hay’e for di Hurricane Center na Merca, nan lo traduci na palabranan cu nos por compronde y e ora ta bay sinta hunto bisa cu esaki ta importante pa nos aki na Aruba mester sa. Esey ta loke ta bay saca. Ta bay purba di sak’e mas lihe posibel despues cu e wordo transmiti pa Hurricane Center. E tambe tin cu tuma su tempo e momento eynan.
Pa esnan cu ta cu vakantie, pa nan ta standby. Si dado caso e situacion mester empeora, internamente di brandweer a cuminsa cu preparacionnan cu si mester trece hende cu ta cu vakantie, trece nan bek riba pia di trabao. Of si mester laga hende draai extra warda pa tin mas hende na warda, tur eseynan a wordo palabra caba y geset den un schedule cu si en berdad e oranan pasando ripara cu e ta bay empeora cu eseynan lo tuma luga e ora.