Pa loke ta e meldingnan despues di e pasada di horcan Matthew, a bay basta keto, segun comandante di bombero, Eduard de Cuba. Sinembargo, nan a haya varios caso di box di coriente y tambe curanan cu a yena cu awa.
E ta sigui splica cu ta sigui semper noticia oficial cu ta bin for di Meteo, y ta prepara un tiki mas cu esey pa no haya sorpresa. A haya algun cas cu tabata tin problema cu awa ta keda para y mainta, cu e biento ta bira y awasero ta bin di otro banda, esta banda di zuid, cu hopi di e fuseboxnan cu ta tapa bao di afdak, no ta traha pa esey. Pesey hunto cu Elmar, ta bezig ta trahando riba eseynan. Di un otro banda a keda monitor tur rooi y dam. Tambe lama con e ta bayendo y por bisa cu tur esey a bay bon. Ta preparando un reunion un biaha mas di e team operacional mas den trai merdia, pa laga tur e sistema pasa , pa ora bay tuma otro decision si ta bay bek na e situacion normal.