Eduard de Cub, comandante di Brandweer, durante un conferencia di prensa extra ordinario ayera nochi, pa loke ta trata e updatenan riba Tormenta Tropical Matthew, a comenta cu nan ta preparando y hunto cu e otro organisacionnan cu ta bin na cla pa e caso di mal tempo, ta enfatisa cu na e momento cu cuminsa sinti e efectonan, aunke e no ta un hocan, e ta un Tropical Storm, e efectonan ta hopi menos, pero si algo mester pasa mes, por yama 911 na Brandweer of 100 na polis, caminda cu por haci e melding, pasobra nan lo ta prepara pa cualkier cos cu pasa.
Na momento cu cuminsa sinti efecto y tin barionan cu por bay bao di awa, pa publico no bay haci cos di gaweta y wak kico ta pasando. Tur otro dienst tin cu haci nan trabao. Ta den un situacion fuera di lo normal. Awe diahuebs lo sigui papia cu e diferente klusterhoofden, e gruponan di diferente procesonan cu ta tuma luga den un evento asina aki pa mira precies con tur hende ta.
Diaranson a confirma cu mayoria di nan ta cla pa si algo pasa. De Cuba a splica cu e no kier crea panico cu lo bay tin algo grandi, pero no kier wordo gara di sorpresa tampoco y no ta cla pe. Tur dienst a confirma cu nan ta cla. Nan tin tur nan cosnan na nan luga pa por duna e trabaonan necesario pa pueblo.
Yama ora mester yama. Si e momento ey en berdad e ta asina erg cu e persona of bombero ta na peliger, nan lo avisa esey pasobra no kier hinca un otro hende den peliger. Si un autoridad no por sali e momento ey,e ta wordo nota y manera nan por sali nan lo atende. Si e peliger pa pueblo tey, pero personal di emergencia por hacie safe, nan lo sali tambe. No ta algo cu yama mey ora despues cu algo pasa. Tin cu yama e momento ey y manera e situacion ta sigur nan lo atende.
Den brandweer a pone cu lo pone mas unidad riba caminda den e 24 oranan ey cu a haya cu e efecto lo ta mas grandi. Ta pasa wak con erg e situacion ta pa mira si e ta wordo yuda. Un cura cu awa no ta prioridad, segun de Cuba. Pero si e awa bay den cas y cu tin hende bibando den dje, ta prioridad. Prome cu pasa, sea pro activo den bo trabaonan rond di cas. Por percura pa cura ta limpi. Bo sa unda awa ta core, mantene limpi. Si dak tin un plachi zink ta los, klab’e. Si tin cos los den cura, maranan . Trece e bestianan aden y evita e peligernan rond.
DOW a haci afsrpaak cu contratistanan cu tin pomp pa ponenan disponibel pa servicio di brandweer ora cu tin mester.
De Cuba a agrega cu for di Meteo te asina leu cu maximo di biento cu nos haya durante pasada no ta asina hopi. Nos casnan ta traha di tal manera cu nan por wanta e bientonan cu ta bin. Si tin hopi cos los den cura, si tin un palo di mata cu ta dal den dje, ta core e riesgo cu esey por wordo afecta, de Cuba a splica por ultimo.