Sr. Edmundo Marlin di SEPPA, a splica cu e director nobo ta riba un bon caminda pa drecha e problemanan cu tin den e instituto aki.
Sindicato SEPPA tin un bon relacion cu e director di KIA y e ta haciendo su maximo esfuerso pa bin cu cambionan, pero e cambionan aki tur hende, dus incluso trahadonan, mester bay cu e cambionan aki. TIn diferente rapportnan ariba mesa, unda cu a beschrijf caba den ki direccion kier hiba KIA y con ta bay haci esaki.
Hasta tin un jaarplan traha unda ta indica kico a wordo haci pa 2017 y 2018. Basa ariba esey ta keda fiha pa e keda cla, ya cu KIA ta den un situacion pa basta aña caba cu diferente problema. Pero no por tackle tur problema pareu, na cierto momento lo mester wak cual ta e puntonan mas esencial pa atende cun’e. E director a cuminsa cu loke tin te maken cu e trahadonan , e cursonan, bevordering y reglanan cu trahadonan mester atene nan mes na dje, pa nan por produci mane debe ser.
Director di KIA ta bezig cu tur e puntonan aki, hunto cu sindicato SEPPA. Sr. Marlin a splica cu e proceso ta canando trankilo. E trahadonan tambe ta contento con e director ta handle e situacion, ya cu nan ta haya oido cerca e director.
Sr.Edmundo Marlin, di SEPPA a sigui bisa cu nan ta bezig cu un formatiebrief, cu lo mester wordo ehecuta e aña aki, caminda cu lo bin cu un salarisstructuur nobo. Esey SEPPA ta pendiente di dje, pa asina nan wak con esaki ta bay ta, na ki momento e ta wordo ehecuta pa asina e structura di salario nobo di KIA, bin na vigor.
Tur esakinan tin di haber cu personal, y basa ariba esey SEPPA ta mirando cu tin un adelanto na cierto momento, cu mester bisa cu tin cosnan pendiente, y ora cu esakinan keda cla lo wak e resultadonan. Pa despues, bay riba e cosnan cu falta ainda, pa asina por tin un organisacion op en top.
E director nobo ta haciendo su maximo pa drecha instituto KIA paso si mira e ultimo desaroyonan cu ta ser haci pa nos prizon ta positivo segun Sr. Marlin. Ta trahando ariba cosnan cu ta preocupa e trahadonan, pa asina tur cos ta na ordo, y pa despues e trahadonan bay over haci nan trabaonan manera debe ser.
Pa oke ta e fondonan, semper e instituto aki tabata tin problema cu esaki, y SEPPA ta na altura lo a bay Staten pa pidi fondonan adicional, pa atende cu asunto di KIA. E minister lo mester a ricibi un fondo, den careda di 10 miyon florin. Awor mester pone prioridad con ta bay uza e 10 miyon nan ey y den kico. Tin hopi cos cu mester wordo regla y drecha na KIA. Pero mester tin un enfoke di kico ta mas primordial pa cuminsa y djey ta bay pa e otro nan cu falta.
SEPPA a yega di manda un proposicion pa gobierno, un lista di prioridad kico sindicato lo kier pa drecha den KIA. Sr. Marlin a splica cu esey nan a papia cu e director over di esaki, caminda ta stipula con cosnan ta bay cuminsa canalisa. E punto di bista di e director lo keda utilisa, y di cual SEPPA ta eens cun’e, pa cuminsa atende cosnan cu tin di haber cu personal; ora cu esaki ta cla, ta bay over na e otro cosnnan cu tin, un di nan hopi importante, ta e cuestion di siguridad.
Lo bin camara y esaki lo trece mas siguridad tanto pa e cuidadonan di preso, bishitante y e presonan. Tin hopi cosnan ta canalisando momentaneamente. Esakinan mester wordo haci lo mas corecto posibel, y nan lo tuma tempo pa nan keda cla.
SEPPA ta spera cu tur cos ta canalisando manera palabra y basa ariba e jaarplan 2017-2018, y sindicato lo keda monitor pa cosnan para den e jaarplan keda ehecuta debidamente. Sr. Marlin ta di opinion, cu tin hopi leynan anticua cu mester wordo regla, drecha di nobo pa KIA. Tin hopi cos, pero no por haci tur cos pareu. Mester focus ariba kico ta prioridad, y despues poco poco pone tur cos na nan luga. Asina Sr. Marlin a termina, bisando.