Dia pa dia e construccion di e edificionan nobo di hospital ta confrontando problemanan serio, si no ta diesel cu parti pabou awor ta tuberia di awa a kibra na e edificio nobo parti pariba MOB. Esaki a pasa mainta trempan den careda di 6 or un pool e personalnan a bin topa paden. Awa ta basha sin fin causando un desaster den e luga ak ta unda ta atende cu Wondpoli y functiekamer. Segun informenan ta un grupo di mercano tin e trabou di e construccion di e edifcionan nobo y ta puro problema a topa cune. Mientras hospital ta renobando e edificio bieu cu ta un grupo tin esaki te dia di awe no a haya ningun incidente.
Ningun hende no por a traha mas den e edificio di MOB, mester a saca tur hende y materialnan necesario afo y a muda e seccion pa departamento di pre-screening.