E proceso di negociacion pa tuma over e structura di e edificio John F. Kennedy cu a tuma luga tabata un proceso hopi largo hunto cu AIB mirando cu esaki ta un banco funda 30 aña pasa. Den su rol tin e parti social y economico pa yuda realisa proyectonan of mehora esakinan na beneficio di Aruba. E edificio di John F. Kennedy School ta destina pa departamento di enseñanza. Sr. Frendsel Giel Managing Director ta splica.
Na base di esaki a bin e combersacion cu gobierno pa mira kico por haci cu John F. Kennedy School y den esey nan a bay door di un scanning pa wak con nan por haci uzo di dje. Gobierno a keda rondia e luga cu ta central pa consolida tur e departamento di educacion hunto.
AIB a paga pa e edificio existente aki basa riba un taxatie rapport. AIB a paga pa e tereno pero tambe pa e edificio. E edificio di John F. Kennedy School ta destina pa departamento di enseñanza. Despues di cambio di gobierno, tabata tin algun negociacion andando y AIB a cumpra e edificio basa bou di su compania subsidiario cu ta AIB Vastgoed.
AIB Vastgoed lo bay opera, desaroya y maneha e edificionan anto e ora den e caso ey e plan tabata pa drecha e edificio existente y traha un nobo unda ta papia di 6.335 Mt2. Gobierno a bisa nan cu tabata tin varios caminda ta huur y cu nan kier consolida un caminda central pa departamento di educacion y a wordo yama J.F.K. Education Center.
Tabata tin tres compania cu a bay un aanbesteding cu a mustra nan interes, nan a wak tur e aspectonan cu mester wordo drecha. Den e caso aki Bohama Aruba NV a gana e destaho ey anto e costo preliminar pa construccion so sin conta gastonan di arkitecto, financiamento, entre otronan ta sali na 15.9 miyon florin cu ta wordo inverti a partir cu construccion cuminsa. Asina Sr. Fredsel Giel, director di AIB a relata.