Al menos un persona a perde su bida y 35 persona rescata di un toren di condominium di 12 piso cu a cay parcialmente den oranan di marduga, den e ciudad Surfside, nan nort di Miami Beach. E ekiponan di rescate di condadonan di Miami Dade y Broward a pasa henter mainta den buskeda masivo di posible sobrevivientenan.
Cuerpo di Bombero den un conferencia di prensa a bisa cu dos di e personanan a wordo rescata for di escombro di edificio, pero cu nan no tin un cifra exacto di cuanto hende ta of tabata atrapa despues cu e edificio a collapse.
Di esnan rescata, a trata dies pa lesionnan menor y a transporta dos pa hospital.
Cuerpo di Bombero a ricibi varios Yamada rond di 1.30 di marduga reporta e collapse parcial di e edificio di 12 piso y di 136 apartamento.
E parti banda drechi di edificio tabata esun cu a cay den otro, un vocero di Cuerpo di Bombero a informa.
Ta pensa cu tin cincuenta y un persona biba den e edificio cu no a haya contacto cu nan y ainda nan ta desapareci.
Ta tata di edificio Chaplain Towers, construi na 1981 cu bista pa lama.