Ecuador ta analisando e posibilidad pa establece un corridor humanitario pa migrantenan Venezolano cu tin visa y cu kier bay un otro pais, asina e Minister di Gobierno Maria Paula Romo a bisa.
Den e caso aki Ecuador como e pais di transito lo regula di tal manera cu esnan cu crusa e frontera y lo tin un transporte di inmediato cu lo hibanan na e siguiente frontera.
E corridor humanitario aki lo ta aplica solamente pa esnan cu tin visa di un otro pais manera Peru nacion frontera cu Ecuador.
Autoridad ta estima cu for di Mei 2017 te cu Juli 2019 un total di 1.673.980 Venezolano a bay Ecuador y di cual 341.561 a permanece na e pais.
Di acuerdo cu ONU 3.6 miyon di persona a bandona Venezuela desde 2016 y e gran mayoria a bay otro nacionnan den Latino America.