WASHINGTON (AP) – Un panel de arbitrhe di Banco Mundial a determina cu Venezuela lo no mester paga 1.4 miyon dollar na Exxon Mobil Corp., door cu e estado Venezolano a confisca activonan di e compania durante un reacha di nacionalisacion.
E panel cu sede na Washington a emiti un fayo cu ta anula gran parti di e sentencia di 1.600 miyon dollar contra di Venezuela. E decision a wordo celebra na Caracas, unda e gobierno socialista di President Nicolas Maduro ta enfrantando un deficit di efectivo provoca door di e colapso di e produccion di petroleo.
Exxon Mobil a haci un peticion na e panel di disputanan di inversion di e banco, pa 16.600 miyon dollar pa coy su instalacionnan di Cerro Negro na e Cuenca di Orinico, bao mando es tempo ey di president Hugo Chavez.
Un abogado di Venezuela a bisa diabierna cu e decision tabata “correcto y balente”.
Un vocero di Exxon Mobil a bisa cu e panel a afirma un pago di 180 miyon dollar mas interes, relaciona cu expropiacion di algun di su activonan. El a bisa cu e compania tabata evaluando e decision general pa determina cual lo ta nan siguiente paso.
E demanda original tabata di 16.6 biyon dollar.