LONDON, Inglatera – Unilever a priminti diahuebs un programa miyonario di compensacion pa su accionistanan, despues di e restructuracion inicia pa un oferta hostil di Kraft Heinz, den un intento pa proba cu e por genera ganashinan lucrativo como uncompania independiente.
Como parti di un restructuracion tras e rechaso di e oferta di 140 mil miyon di su rival Mericano, e fabricante di e habonnan Dove, a cuminsa un plan acelera di recorte di costo, e benta di su negoshi Flora to Stork y un revision di su structura Anglo-Hulandes.
Den un medida cu lo yuda na hustifica su strategia di rechasa e propuesta di Kraft Heinz, Unilever tambe lo desembolsa 5 mil miyon di Euro (5300 miyon di dollar) den un recompra di accion y lo eleva su dividento den un 12 porciento e aña aki.
Unilever, un di e activonan faborito di e bolsanan Europeo, a describi e episodio di Kraft como un “momento di inflexion” pa reevalua su activonan, na momento caminda cu e industria di alimentonanp rocesa ta enfrenta un desaceleracion di crecimento y un mayor competencia.
Den e simannan desde cu Unilever a anuncia a revision, algun analista a specula cu loke ta e empresa, por dividi den dos na momento di reverti drasticamente su strategia, pero ehecutivonan a bisa cu esaki no lo ta e caso y a reitera cu lo bay tin beneficio pa conta riba dje cu su dos negoshinan central: alimento y productonan di cuidado personal.
“Nos mester acelera nos plannan pa impulsa ainda mas e balor y esaki a keda den evidencia pa nos cu e acontecimentonan di Februari,” e presidente ehecutivo di e compania, Paul Polman, a bisa.
“No tin duda cu mas leu cu e oferta (di Kraft) tabata efimero y oportunista, a genera expectativa (…) Nos ta absolutamente resolvi na uza como un oportunidad pa pone Unilever riba un caminda mas solido,” el a añadi.
E accionnan di Unilever na London, cu a alcansa un record di 4088 penny den e ultimo simannan prome cu e anuncio di diamars, a subi cu 0.8 porciento pa 1’or di merdia.
Fuente: Reuters