LOUISVILLE, Kentucky, — Toyota a anuncia dialuna un inversion di 1300 miyon di dollar pa reekipa su fabria na Georgetown, Kentucky, unda cu e fabrica automotriz Hapones ta construi e sedannan Camry.
Den un paragraaf agrega a e comunicado di prensa di Toyota – riba peticion di Cas Blanco diadomingo anochi, presidente Donald Trump a elogia e inversion y a bisa cu ta “un evidencia mas cu e fabricanan awo ta confia caminda cu e clima economico a mehora grandemente durante mi Gobierno.”
Sin embargo, e inversion di Toyota a traha durante varios aña mientras e empresa ta prepara pa renoba Camry, durante hopi tempo e sedan mas bendi na Merca.
Aunke no lo bay crea trabaonan nobo, e empresa a bisa cu e modernisacion ta representa e mayor inversion haci den un di su fabricanan na merca. E plan tambe lo yuda sostene e 8200 trabaonan den e fabrica mas grandi di Toyota, unda cu ta produci practicamente un cuarta parti di e vehiculonan di e marca na Merca, di acuerdo cu e empresa automotriz.
“Ta importante remodelacion lo permiti e planta pa mantene su mes flexibel y competitivo, cimenta ainda mas nos presencia na Kentucky,” Wil James, presidente di e planta, a bisa, unda tambe ta ensambla Avalon y Lexus ES 350.
E mehoracion ta parti di e plannan di Toyota pa inverti 10 mil miyon di dollar na Merca den e siguiente cinco aña, e director general di Toyota Motor North America, Jim Lentz, a bisa den un comunicado di prensa.
Toyota a bisa cu e rasgonan nobo di e Camry a wordo diseña cuater of cinco aña pasa y cu e modernisacion di e fabrica ta necesario pa e vehiculo nobo cu lo sali na benta na final di zomer. E gobernador di Kentucky, Matt Bevin, a bisa cu e inversion di Toyota ta “un prueba mas di su compromiso pa produci autonan traha na Merca.”
Fuenta: Associated Press