NEW YORK CITY, New York – Toshiba Corp. a pronostica cu su perdidanan anual, pa mas cu e duplica na un record di 1,01 biyon di yen ($9,100 miyon), den tanto su division nuclear Mericano Westinghouse Electric, a pidi proteccion hudicial pa evita e bancarota di e acuerdo cu e capitulo 11 di e ley di kiebro.
E debacle di Westinghouse, den otro tempo e parti central di e plannan di Toshiba pa diversifica di e electronica di consumo, corona un trayectoria desastroso di e conglomerado Hapones, conforme e retraso di e proyectonan a afecta e utilidadnan di e negoshi di e centralnan nuclear.
E compania awo a pone na benta su division precia di chipsnan di memoria, mientras e tabata recupera di un escandalo di manipulacion di cifra di ganashi cu a costanan e cabes di varios ehecutivo grandi.
Westinghouse, cu sede na Pennsylvania, cual tecnologia ta e base di casi mita di e unidadnan atomico di mundo, a bin ta lidiando cu retraso den proyectonan na Georgia y South Carolina, loke a yega na e reduccion di capital di Toshiba.
E perdianan premira pa e sociedad controlante Hapones lo a marca un record pa un fabricante Hapones, segun e datonan cu a reuni cu Bloomberg y yega na mas di e dobbel di e proyeccion di 390 mil miyon di yen, cu e compania a duna luna pasa.
E perdida ta crece
“Nan tin cu por cuminsa na transmiti confiansa na hende respecto di cual lo ta e pasivo maximo, pero cada biaha cu nan ofrece un calculacion, e perdida ta bira mas y mas grandi,” Zuhair Khan, analista di Jefferies na Tokyo a bisa. “Mi no ta kere cu esaki lo ta e ultimo insecto cu nos lo mira sali for di Toshiba.”
E maximo ehecutivo di Toshiba, Satoshi Tsunakawa, a bisa cu no tin riesgo cu e compania lo sufri mas perdida pa e proyectonan nuclear den exterior.
“E presentacion cu Westinghouse a haci ta un paso importante pa e recuperacion,” el a señala.
“Tambe ta den consonancia cu nos obhetivo di limita e riesgo di e instalacionnan nuclear den exterior.”
Westinghouse a bisa den un declaracion cu el a haya $800 miyon na financiamento di e deudor den posesion pa contribui na financia e reorganisacion. E compania a acorda cu e propietarionan di e desaroyonan di nan reactor AP1000 sigui cu e proyectonan durante un periodo di evaluacion inicial y lo sigui traha na China, e empresa a bisa.
Toshiba a duna na conoce un debe di 10 mil miyon di dollar pa Westinghouse y otro division.
E division nuclear a presenta e solicitud di proteccion hudicial dilanti e Tribunal di Kiebro na Merca pa e Districto Zuid di New York y a propone nombra Wel Gotshal & Manges LLP como asesornan legal, na Alix Partners LLP como asesornan financiero y na PJT Partners Inc. como bankeronan di inversion, mara na e aprobacion hudicial.
“Tabata tin señalnan di advertencia ora cu Toshiba a retrasa e publicacio di e datonan financiero na comienso di e aña aki,” Emmanuel Chua, socio principal di Herbert Smith Freehills na Singaporre, a bisa.
Fuente: http://eldia.com.do