Economia Mericano, tin un problema: e trahadonan no ta produciendo mucho manera antes.
Algun ta culpa rednan social. Empleadonan por sinti cu nan ta traha demasiado den oficina, pero si nan tweet y manda mensahenan na nan amigonan di Facebook, nan no ta yudando economia.
“Kico nos ta produci? Solamente nos ta eynan mandando mensahe di texto,” Carl Icahn, un administrado di fondo cu ta apoya Donald Trump, a bisa CNN.
Cualkier cu ta e rason, e Mericanonan no ta trahando duro y esey ta para e economia Mericano.
E produccion pa cada trahado den e pais – conoci como productividad laboral – ta na su nivel mas abao desde e decada di 1970, segun datonan di gobierno.
Durante e decada di 1990, e productividad di e trahadonan a aumenta den un 2,2% cada aña, den promedio. Na principio di e decada di 2000, a subi 2.6% anual. Desde e Gran Recesion, a bin ta eleva poco mas di 1% pa aña denp romedio.
Awo, e ta empeorando. E ultimo lectura a revela un retroceso di 0.5% corespondiente na e di dos trimester di e aña. O sea, e trahadonan Mericano ta menos productivo di loke nan tabata den e mesun periodo di aña pasa.
E economistanan ta di acuerdo: Merca tin un bache di productividad alaramante y no sa ainda con pa soluciona esey.
E dos solucionnan mas popular ta: Haci cu e negoshinan ta inverti den e miho ekipo of revisa e estadistica di productividad pa considera e beneficionan na economia di smartphones.
Fuente: CNNMoney
