LONDON/DEN HAAG – E petrolera Anglo-Hulandes Royal Dutch Shell a duplica na 2016 su beneficio neto danki na un reduccion drastico di costo, den un contexto di hundimento di prijs di petroleo.
Den 2016 e beneficio neto a alcansa 4580 miyon di dollar. E cuentanan di aña pasa a inclui e compra di e grupo Britanico di hidrocarburo BG, adkiri aña pasa y presente den e sector di gas natural likido (GNL).
En paralelo na e compra aki, Shell a lansa un programa di cesion y reduccion di gasto, den un contexto di caida di e prijsnan di petroleo durante e ultimo tres añanan. E director general di Shell, Ben van Beurden, a subraya cu solamente den 2016 e grupo a cede activo pa valor di mas di 15 mil miyon di dollar, di un total di 30 mil miyon planifica te cu 2018.
“Nos ta pone e mpresa funciona cu costonan ahusta, inferior den 10 mil miyon di dollar cu tabata representa Shell y BG 24 aña pasa,” van Beurden a destaca.
Como consecuencia di ahuste, e facturacion di Shell (inclui na e coempresanan) a reduci na 2016 cu 32 mil miyon di dollar, un 12% menos, te cu 240 mil miyon.
Na e mesun momento e gastonan total di e grupo a reduci den 35.500 miyon di dollar, un 13% menos, te cu 234.400 miyon.
Di su banda, e beneficio antes di impuesto di e petrolera casi a triplifica, te cu 5.600 miyon di dollar.
E beneficio anual ahusta, cu no ta inclui e elementonan excepcional ni e variacion di inventario, a cay un 8%, te cu 3.500 miyon di dollar.
Fuente: El Espectador