SEOUL, Sur Corea – E humiyacion ta sigui pa Samsung.
E fabricante di telefon mas grandi di mundo a bira blanco di joke di programanan di television di Merca y riba rednan social pa e tendencia di algun Galaxy Note 7 di cende na candela.
“Esaki ta duna un nificacion nobo di e frase “mi telefon ta na candela,” Stephen Colbert den Late Show a joke luna pasa.
E falta di efectividad di Samsung pa enfrenta e crisis largo cu a dura simannan largo a erosiona e confiansa den un di e marcanan mas importante di mundo.
E compania basa na Sur Corea a purba di preveni e contaminacion di su otro modelonan di telefon celular anunciando diamars cu e lo stop di fabrica Note 7. Pero ainda no a splica dicon algun di su dispositivonan ta sigui rementa.
“Honestidad y transparencia ta necesario pa repara e daño na e imagen di e marca,” TuanAnh Nguyen, analista investigado na Canalys, a bisa. “Si no ta haci, ta crea repercusion a largo plazo riba su otro liñanan di producto.”
Entre tanto, personanan ta sigui haci joke di Samsung y di su Note 7 riba rednan social. Comentarionan durante e ultimo simannan ta inclui potret di e telefon den un container cu ijs of di un homber cu un trahe pa desactiva bom, manehando e telefon y te hasta lansando esaki como un granada.
Usuarionan tambe a ridiculisa e maneho di e crisis di parti di Samsung, cu ya a costa e compania miyones di dollar. Y e imagen di e compania tampoco ta yuda e reportenan cu su wasmashinnan por explota.
Algun di e expertonan ta bisa cu Samsung no a comunica bon cu su clientenan.
“E manera con Samsung a maneha e crisis tabata hopi confuso,” Bryan Ma, vicepresidente di investigacion di producto di e compania IDC a bisa.
“Nan ta bisa cu nan ta preocupa pa nan usuarionan, pero (e crisis) a wordo maneha di un manera hopi corporativo. Samsung realmente tabata tin mester di mustra cu nan ta worry cu nan clientenan y tabata tin mester di pone un cara humano su tras, manera tempo cu tim Cook a disculpa tempo cu Apple a haya problema,” Ma a añadi.
Samsung tabata tin experiencianan anterior pa supera deficiencianan.
Na 1995, e presidente di e compania, Lee Sun-hee a ordena e kimamento masivo di productonan cu e tabata considera di calidad abao y defectuoso, resaltando e mensahe cu prome cos ta calidad.
Un mensahe similat tin mester di wordo manda na e momentonan aki, aunke por ta sin e kimamento.
E aña aki, Samsung ta ubica den puesto 11 di e marcanan mas valioso segun Forbes. Ta e compania mas reconoci na Sur Corea y algun cliente Coreano ta bisa cu nan lo sigui cumpra nan telefon door di lealtad, apesar di e fayanan di Note 7.
E reto di mas grandi pa Samsung ta pa convence su clientenan di henter mundo cu ainda por ta un marca confiabel despues cu e telefon potencialmente peligroso a wordo reemplasa cu un otro potencialmente peligroso.
Samsung tin e oportunidad di haci cu su propio modelo di e serie S., cu ta spera di wordo lansa na principio di 2017.
Expertonan ta kere cu Samsung tin cu priorisa e confiansa riba e caracteristicanan yamativo, pues e Note 7 tabata tin’e den abundancia.
Fuente: CNNMoney