LONDON, Inglatera – Prijs di koper a subi pa di cinco sesion, sigui diahuebs despues cu e paralisacionnan den tres di e principal minanan di mundo, a genera temor riba e suministro y pa un dollar debilita, cu a haci cu e prijs di e metalnan a cay pa e tenedornan di otro divisanan.
E indice di dollar a baha diahuebs na su nivel mas abao den cuater siman, despues cu un comunicado di e Reserva Federal di Merca, no a bay na un ritmo mucho mas rapido di endurecemento monetario, manera algun analista ta spera.
Koper den tres luna riba e Bolsa di Metal di London a cera cu un ganashi di 0.7 porciento na 5.908 dollar pa ton.
E metal a suma un 4.5 porciento tras cu el a cay dia 9 di Maart na un minimo di ocho siman di 5.652 dollar.
Goldman Sachs a calcula cu el a perde 200 mil ton di produccion pa e paralisacion na Escondida di Chile, Cerro Verde na Peru y Grasberg na Indonesia. En conhunto, e tres luganan aki ta representa un 13 porciento di e suministro global di koper.
Segun e banco, e mercado ta consumiendo e sobreoferta di aña pasa y e prijsnan di koper por yega na 6.200 dollar den e proximo tres lunanan.
No obstante, e inventarionan di koper den e depositonan registra na LME a crece mas di un 70 porciento e luna aki na 339.025 ton.
Datonan publica diahuebs a mustra cu e produccion Chines di metalnan basico a crece cu forsa den e dos prome lunanan di 2017.
Fuente: Reuters