VIENA, Austria – E bari di referencia di e Organisacion di Paisnan Exportado di Petroleo (OPEP) a cootisa diabierna ultimo riba 50,49 dollar, superando asina e barera di 50 dollar pa prome biaha desde Juli di 2015, e grupo petrolero a informa dialuna na Viena.
E petroleo di referencia di OPEP a aumenta ya casi un 13 porciento desde cu e grupo a anuncia diaranson ultimo cu nan lo recorta su produccion den 1.2 miyon di bari cuminsando Januari pa reduci e exceso di oferta cu a mantene e prijs cu a sufri un caida durante e ultimo dos añanan.
Ora di anuncia e recorta aki, e prome desde 2008, OPEP a sigura tambe cu varios productor grandi, entre nan Rusia, lo uni na e strategia aki retirando for di mercado otro 600 mil bari diario.
Si e cootisacion di e oro preto di OPEP ya a subi cu un 10 porciento tras di sa di e acuerdo aki, e bari a aparece diabierna ultimo riba un otro 2.3 porciento.
E balor di crudo di OPEP no a kibra e barera di 50 dollar pa bari desde dia 31 di Juli y a bin ta somete na fuerte presion den caida cu a hiba nan pa yega na un minimo di 22 dollar pa bari na principio di e aña aki.
Fuente: NTN24