MIAMI, Florida – Payless Shoesource a anuncia diamars cu nan a afera na Capitulo 11 di e ley di bancarota y lo cera inmediatamente cerca di 400 tienda di rendimento abao na Merca y Puerto Rico.
Atrabes di un comunicado publica riba su website, e compania a indica cu e decision aki tin como fin “facilita e restructuracion financiero y operativo necesario pa fortalece su balance y posiciona e compania pa e exito a largo plazo.”
Pa esey, nan lo restructura su operacion na Merca, mescos como e logistica y cadena di suministro na Hong Kong.
Ademas, nan a anuncia cu lo planea reduci su debe den un 50% y lo inverti den areanan manera expansion di e liña, inventario y e crecimento global.
“Esaki ta un decision dificil, pero necesario, impulsa pa e desafionan continuo di e entorno minorista, cu solamente lo wordo intensifica. Nos lo construi un Payless mas fuerte pa nos cliente, proveedor, asociado, socionan di negoshi y otro partinan interesa atrabes di e proceso aki,” Paul Jones, director ehecutivo di Payless, a bisa.
E anuncio di e compania cu sede na Kansas y ta conta cu cerca di 4400 tienda den mas di 30 pais, ta produci un siman despues cu a cuminsa na circula varios informe segun cual Payless lo acoge na e capitulo 11 y lo cera te na 500 punto di benta.
Fuente: Telemundo