WASHINGTON, Merca- Presidente di Merca, Donald Trump, diabierna a sigura cu e “guera comercial ta facil pa gana”. Esaki ta bin despues di e criticanan internacional di impone tarifa na e importacion di aluminium y hero.
“Ora un pais (Merca) ta perdiendo biyones di dollar den comercio virtualmente cu cada pais cu cual e ta haci negoshi, gueranan comercial ta bon y facil pa gana. Por ehempel, ora cu nos ta perdiendo 100 biyon dollar cu un pais, e ta play sabi, nos ta stop di comercialisa y nos ta gana den gran forma. E ta facil!”, e mandatario a skirbi ariba su cuenta di Twitter.
Poco despues e mandatario Mericano a skirbi cu “ora un pais ta evalua nos productonan na, laga nos bisa 50% y nos ta contabilisa e mesun producto na CERO, no ta ni husto y tampoco inteligente”.
“Pronto nos tambe lo cobranan mescos loke nan ta cobra nos. Cu’n deficit comercial di 800 biyon dollar, nos no tin opcion”, el a agrega.
Trump a sigura diahuebs cu otro siman e aumento di 25% riba importacion di hero y 10% ariba esun di aluminiun di algun pais. Esaki lo ta na vigor pa un tempo largo, Trump a bisa.
Fondo Monetario Internacional (FMI) a adverti diabierna cu e tarifanan di importacion anuncia pa president Trump por daña e economia Mericano y mundial.
Fuente: http://www.ntn24.com/