WASHINGTON D.C., Merca – E presidente electo di Merca, Donald Trump, tin planea di bira duro cu Mexico y China desde su prome dia di administracion.
Den lo mas halto di e lista di prioridadnan di Trump, ta renegosha of “caba” cu TLCAN, e Tratado Liber di Comercio di Norte America (conoci na Ingles como NAFTA). Tambe e kier impone un 35% di impuesto riba productonan manera autonan Ford cu ta wordo produci na Mexico y bendi na Merca.
Trump a bisa cu TLCAN ta e pio tratado comercial den historia y ta culp’e pa e perdida di trabao na Rust Belt – of e estadonan di e faha industrial di e pais – , estadonan cual a yud’e alcansa e victoria siman pasa.
Esaki ta loke bo mester sa di TLCAN.
Kico ta TLCAN?
E ta un acuerdo comercial entre Canada, Mexico y Merca cu a wordo firma na 1994 bao di e mandato di presidente Bill Clinton. E marco di e acuerdo a wordo crea bao di e Gobierno di presidente Ronald Reagan na 1987.
TLCAN esencialmente a elimina mayoria
El TLCAN esencialmente eliminó la mayoría trabao entre e tres nacionnan, permitiendo e fluho continuo di bienes y suministro na e fronteranan. Awe aproximadamente 1400 miyon di dollar den producto cu ta cruza frontera di Mexico y Merca cada dia.
TLCAN tambe ta facilita e companianan pa move nan operacion di Merca pa Mexico.
Trump por caba cu TLCAN sin Congreso?
Si. E presidente tin e autoridad pa sali for di TLCAN bao di acuerdonan normal. Solamente e tin cu duna Canada y Mexico seis luna di aviso.
Ta berdad cu Merca a perde trabao cu a bay Mexico door di TLCAN?
Si, trabao a wordo perdi. Pero no ta asina simpel, pasobra tin miyones di puesto di trabao na Merca, cu ta depende di TLCAN.
E Economic Policy Institute ta calcula rond di 800 mil trabao a wordo perdi pa e factor Mexico entre 1997 y 2013. No obstante, un informe no partidista di e Congreso publica na 2015, a determina cu “TLCAN no a causa perdidanan grandi di trabao manera cu e criticonan a teme”. Y tin analisis cu ta mustra cu Merca a perde mas trabao pa motibo di mashin y e automatisacion cu pa motibo di Mexico.
Fuente: CNNMoney