MERCA – E existencia di petroleo di Merca a baha sima n pasa pasobra e refinerianan a eleva nan produccion, mientras cu e inventarionan di gasolin y destiladonan a ascende, e Administracion di Informacion di Energia gubernamental a bisa diahuebs.
E inventarionan di crudo a cay cu 7.1 miyon di bari den e siman di dia 30 di December, contra e pronostico di analistanan di un descenso di 2.2 miyon di bari.
E existencia di crudo den e centro di entrega di Cushing, Oklahoma, a aumenta den 1.074 miyon di bari, EIA a agrega.
E tasanan di operacion den e refineria a subi den 132 mil bari pa dia, mientras cu e tasanan di utilisacion a ascende den 1 punto porcentual.
E inventarionan di gasolin a subi den 8.3 miyon di bari, contra e pronostico di un alsa di 1.8 miyon di bari, calculando den un sondeo di Reuters.
Por lo tanto, e existencia di destiladonan, cu ta inclui combustibel pa calefaccion y diesel, a aumenta den 10.1 miyon di bari, segun datonan di EIA. E expectativa a apunta na un incremento di 1.1 miyon di bari.
E importacionnan di crudo na Merca a baha den 1 miyon di bari pa dia siman pasa.
E prijsnan di petroleo a cambia di tendencia y a descende tras e divulgacion di e informe semanal di EIA.
Fuente: Reuters