CARACAS, Venezuela – Hyundai ta spera di reanuda su produccion di vehiculo na Venezuela na 2018, deteni desde cinco aña pasa pa falta di materia prima, un ehecutivo di e compania cu ta esambla e unidadnan den e pais Sur Americano, a bisa Reuters.
Mientras cu MMC Automotriz – e compania cu ta ensambla y tabata comercialisa Hyundai, Mitsubishi y Fuso na Venezuela – ta poe un punto su fabrica den e pais aki, e compania Sur Coreano lo retoma den e proximo lunanan e benta di su unidadnan den e pais petrolero, cu shete modelo nobo.
Ta premira cu e cas matriz di Hyundai ta aproba na April e proyecto di factibilidad cu ta contempla e detayenan di e inversion y e produccion na Venezuela.
“E proyecto ta andando, y nos ta sperando cu nan duna nos e luz berde pa cuminsa,” e vice presidente di Mercadeo y Operacion di MMC Automotriz, Jose Gomez, a bisa Reuters.
“Esey ta haci cu nos por cuminsa ensambla Hyundai na 2018.”
Hyundai a anuncia diahuebs su regreso na e mercado Venezolano den un evento na Caracas, caminda cu su director general pa Centro y Sur America, Chenny Park, a asisti. E directivo a bisa cu nan lo haci e esfuerso pa nan converti dene faboritonan di e mercado Venezolano.
“Nos ta cuminsa un era nobo pa e merca Hyundai na Venezuela,” Park a bisa, atrabes di un traductor.
Cu sede na Seoul, Hyundai ta e mayor fabricante Koreano di auto y e di cinco fabricante di vehiculonan mas grandi na mundo.
Fuente: Reuters