LONDON, Inglatera – E fabricanan di e zona Euro a inicia 2017 aumentando su actividad den e mayor ritmo den casi seis aña, segun un sondeo cu a mustra cu e fabricanan ta mas optimista cu loke nan tabata al menos desde mediado di 2012.
E sondeo tambe a resalta e aumento di e presio inflacionario, algo cu tabata bon bini pa e integrantenan di e Banco Central Europeo, cu tabata tin dificultad pa logra cu e prijsnan subi riba e ritmo cu nan tabata kier.
E Indice di fabricacion final di gerente di cumpra di IHS Markit pa e zona Euro a subi pa 55,2 na Januari desde 54,9 di December. Un lectura riba 50 cu ta indica crecemento y un estimacion preliminar a mustra un aumento mas modesto te cu 55.1.
Un indice cu ta midi produccion, cu ta parti di PMI a componi di diabierna, a mantene su mes stabil riba 56.1 di December,e lectura mas halto desde April di 2014.
“E sector di fabria ci e zona Euro tabata tin un solido inicio di aña”, Chris Williamson, eocnomista hefe di IHS Markit.
Fabricantenan ta cada biaha mas optimista. Un subindice di produccion futuro a bula di 66,9 desde 63.7, su lectura mas halto desde cu a cuminsa registra e dato na Juli di 2012.
“E optimismo riba e aña cu ta dilanti a subi na su maximo desde e crisis di deuda di e region, loke ta sugeri cu e companianan ta mantene optimismo fuerte apesar di e incertidumbre politica causa pa “Brexit” y pa e proximo eleccionnan na Hulanda, Francia y Alemania,” Williamson a bisa.
E inflacion den e zona Euro a escala na 1.8 porciento na Januari, mientras cu e crecemento economico a acelera pa un ritmo mas veloz cu na Merca, mientras cu e desempleo a baha na un minimo den shete aña na fin di e aña pasa, a mustra datonan oficial diamars.
Fuente: Reuters