BELFAST, Irlanda – Irlanda mester recupera di e 13 biyon di Euro ($14.6) den belastingnan sin paga di Apple, top regulador Europeo a indica diamars.
“Tax ruling” te asina leu ta esun di mas grandi cu Union Europeo a yega di traha, regardando un solo compania y esey por causa un fila grandi transatlantico di con Europa ta trata companianan grandi Mericano.
Accionnan di Apple a cay cu casi 3% den premercado. E compania lo apela e decision. El a bisa cu e ruling finalmente ta afecta e sistema di impuesto internacional y lo por caba cu trabao y inversionnan den Europa. Irlanda tambe tin pensa di apela.
E Comision a bisa cu Gobierno Irlandes a duna un estado ilegal di ayudo na Apple door di yuda e gigante den tecnologia pa artificialmente baha su belasting pa mas di 20 aña.
“Miembronan estado no por duna beneficio di impuesto na companianan selecta – esaki ta ilegal bao di regulacionnan di ayudo di Union Europeo,” Comisionado Margrethe Vestager, e oficial antitrust principal di Europa.
Apple a paga impuesto riba 1% of menos, riba ganashinan atribui na su subsidiarionan na Irlanda, bao di e 35% top rate na Merca y hasta bao di e 12.5% rate di Irlanda.
Fuente: CNNMoney