NEW YORK CITY, New York – Dollar a subi diahuebs pa un combinacion di operacionnan tecnico, datonan solido di e economia Mericano y e potencial debilidad di e zona Euro, cu a pusha na e bahamento di e moneda continental.
Analistanan a bisa cu e caida di e Euro bao di e nivel di sosten tecnico entorno na 1.07 dollar, a genera ordennan di benta di parti di operadornan, provocando e descenso di e divisa Europeo frente e biyete berde. Esaki a yuda sak’e te na 1.0686 dollar, su minimo desde dia 15 di Maart.
E movimiento aki a suma na e ganashinan di e moneda Mericano frente na un cesta di seis moneda destaca, cu a opera cu un hisamento leve prome cu e likidacion di e euro. E indice a subi na un maximo di 10 dia, na 100,42.
E combinacion di e benta rond di 1,07 dollar, e maximo di sesion toca pa rendimento di e bononan di tesoreria di Merca y un alsa di e prijsnan di crudo a impulsa e monedanan liga na petroleo, kibranod e nivel di resistencia di euro, Thierry Albert Wizman, estratega global di tasanan di interes y monedanan na Macquarie Limited a bisa, citando informacion di su mesa di operacion.
E euro tabata operando den nivelnan abao tras e datonan publica mas tempran den e hornada cu a mustra cu e inflacion di consumidor di Alemania y Spaña a ralentisa di forma mas abrupto cu loke a wordo spera na Maart, provocando e temor cu e por prolonga e crecimento lento den e zona Euro.
Fuente: Reuters