NEW DELHI, India- Prome Minister Narendra Modi a lansa un sistema nobo di impuesto diasabra ultimo, un revision cu tin 10 aña caba ta preparando cu lo converti e pais di 1.3 biyon hende den un solo mercado di bienes y servicio pa prome biaha.
E sistema nobo aki, lo reemplasa mas di un docena tarifanan central y estatal, servicio y tarifanan recauda, hopi biaha na diferente tarifanan, a trabes di e 29 estadonan di India, riba tur loke ta wordo bendi.
Cuminsando diasabra, tur bienes y servicio lo wordo poni bou di un di e cinco difererte tarifa, for di 0% pa mayoria productonan agricola y cuminda, pa 28% ariba productonan manera joyas of aparatonan electronico.
Cada producto lo atrae un solo tarifa den e pais, na un paso pa elimina e retrasonan cu e chauffeurnan di truck ta topa na cada frontera estatal unda cu nan tin cu completa varios formulario y pago di oficialnan.
Fondo Monetario Internacional ta predeci cu e GST eventualmente lo hisa e crecemento di India su GDP back ariba di 8%.
Tin poco duda acerca di e beneficionan a termino largo di e reforma di impuesto. Sinembargo, e despliegue por resulta caotico. Varios partido di oposicion ta planea pa boycott e sesion parlamentario pa lansa e reforma, alegando cu gobierno no a duna suficiente tempo pa prepara pa e cambionan.
Tambe comerciantenan di diferente estado y industrianan, malcontento cu e tarifo di impuesto impone ariba nan producto y cu nan no a haya suficiente tempo pa prepara nan mes pa e sistema nobo.
“Ta parce cu gran mayoria di India no lo bay ta cla pa introduccion di e reforma”, Eurasia Group South Asia su analista, Shailesh Kumar y Sasha Riser-Kositsky a bisa den nan nota investigacion.
“Tanto pa banda di e pagadonan di belasting como di banda di gobierno, un di nan lo mester doblea”, Pronab Sen, ex hefe di estadistica di Inda y actual hefe di operacion di e International Growth Center den e pais, a bisa CNNMoney.
E dianan prome cu e introducion di e reforma, tabata reina un otro tipo di caos, cu ciudadanonan cumprando productonan, den anticipacion cu e prijsnan lo por subi. Rakesh Arora, e doño di un tienda di aparatonan electronico na New Delhi, a bisa cu e bentanan a crece durante e ultimo simannan.
Fuente: www.cnnmoney.com