MEXICO CITY, Mexico – Delta Airline a lansa dialuna un oferta publico di cumpra di hasta un 32 porciento adicional di capital social den circulacion di e Grpo Aeromexico na un prijs di 53 peso pa accion, mayor na esun anuncia inicialmente.
Delta, cu a ofrece anteriormente 43.59 peso pa accion di e grupo cu ta controla un di e dos aerolineanan principal di Mexico, a bisa cu e prijs nobo ta resultado di “movimientonan di e tipo di cambio y otro factornan,” sin duna mas detaye.
“Di subscribi completamente y door di a completa e oferta publico di compra en efectivo, Delta lo ta propietario y/of lo tin e opcion di adkiri te na un total di 49 porciento di e accionnan den circulacion di Aeromexico,” e empresanan a bisa den un comunicado conhunto.
Tras e lansamento di e oferta, e accionnan di Aeromexico den bolsa local tabata gana mas di un 15porciento na 45.35 peso. E operacion ta mara na e aprobacion di cierto condicionnan, incluyendo e aceptacion di e oferta di e accionistanan di por lo menos un 25 porciento di e titulonan den circulacion di Grupo Aeromexico y na e aprobacion di e entidad antimonopolio na Mexico, segun e empresanan.
Aeromexico a bisa na Januari cu nan tin pensa cu e oferta di compra di e accionnan di parti di Delta Airlines lo keda completa na final di e di dos trimester.
Actualmente, Delta ta posee aproximadamente 4.2 porciento di e accionnan den circulacion di e Grupo Aeromexico y tin opcion di adkiri te un 12.8 porciento adicional, e empresanan a informa.
Delta y Aeromexico ta socio durante 22 aña.
Fuente: Reuters