WASHINGTON, Merca – E deficit comercial di Merca a subi na Januari den un maximo di casi cinco aña, ya cu e prijsnan creciente di crudo a yuda na aumenta e costo di e importacionnan, loke ta sugeri cu comercio un biaha mas lo pisa riba e crecemento economico den e prome trimester di aña.
Departamento di Comercio a bisa diamars cu e brecha comercial a aumenta un 9.6 porciento, riba un 48.500 miyon di dollar, su nivel mas halto desde Maart di 2012. E deficit comercial di December a keda manteni stabil na 44.300 miyon di dollar.
Eocnomistanan encuesta pa Reuters a calcula un aumento di e brecha comercial na 48.500 miyon di dollar, den liña cu loke a wordo divula pa e dato.
Ahusta pa inflacion, e deficit a crece na 65.300 miyon di dollar, desde 62.000 miyon di dollar na December. Tanto exportacion como importacionnan ahusta pa inflacion mas halto cu a wordo registra pa e luna di Januari.
E ampliacion di e brecha comercial a uni na e datonan debil como e inicio di edificacion di vivienda y e gasto di e consumidor y den construccion, sugiriendo cu e economia ta enfrentando problemanan pa recupera e impulso den e prome trimester despues cu e crecemento a desacelera na un 1.9 porciento anualisa den e tres ultimo lunanan di 2016.
E economia a crece na un ritmo di 3.5 porciento den e di tres trimester.
Comercio a resta 1.7 punto porcentual di e GDP den e di cuater trimester.
E Reserva Federal di Atlanta ta pronostica un aumento den e GDP na un tasa di 1.8 porciento den e prome trimester.
Na Januari, e importacion di bienes y servicio a aumenta cu un 2.3 porciento, na 240.600 miyon di dollar, su nivel mas halto desde December di 2014. Economistanan a indica cu e cifra aki por refleha den parti e subida na e prijsnan di petroleo, ya cu e pais a importa 259 miyon di bari na December, su mayor cantidad desde Juli di 2013.
Fuente: Reuters