BOGOTA, Colombia – Benta di e comerciantenan minorista na Colombia a sufri un fuerte enfriamento na Januari compara cu e luna anterior, impacta pa e aumento di impuesto riba e consumo, mas debe di persona y hisamento den e tarifa di servicionan publico, e principal gremio di e sector a revela.
E proporcion di comerciantenan cual benta a baha na Januari a subi na 26 porciento, desde un 19 porciento na December, mientras cu e porcentahe di esnan cu a raporta bentanan aceptabel, a disminui un 35 porciento desde 38 porciento e luna prome, e Federacion Nacional di Comerciante, Fenalco, a bisa.
“E benta di e comerciantenan tabata manera e clima di New York den luna di Januari: hopi friu. E Estado a yuda duna mas gasolin na e candela inflacionario,” e informe a sostene.
E desaceleracion di e consumo domestico ta presenta mey mey di un inflacion di 5,47 porciento anual, hopi riba e meta estableci pa e Banco Central, di entre 2 pa 4 porciento, cu ta coincidi cu e debilidad di economia.
Adicionalmente, a drenta na vigencia un reforma tributario caminda cu e Impuesto riba e Balor Agrega (IVA) a subi di un 16 porciento na un 19 porciento.
“E reporte di e hardware storenan tabata specialmente critico, cual di e afiliadonan na e gremionan perteneciente na e sector di restaurant, tanto di mantel como popular,” Fenalco a anota, cu a rescata como positivo e aumento lihero den benta di vehiculo y e movimientonan genera pa e temporada escolar.
“E expectativanan pa e proximo seis lunanan ta sigui ta abao, aunke el a mehora levemente compara cu esunnan registra na December,” e informe a conclui.
Fuente: Reuters